नेपाल सरकार
संस्कृति, पर्यटन तथा नागरिक उड्डयन मन्त्रालय
संस्कृति संरक्षण तथा प्रवर्द्धन महाशाखा
सिंहदरवार, काठमाडौ ।

संस्कृति र पुरातत्व विषयमा अध्ययनरत विद्यार्थीहरुलाई प्रस्ताव पेश गर्ने बारेको सूचना

नेपालका विभिन्न विश्वविद्यालयमा संस्कृति र पुरातत्व विषय लिई स्नातकोत्तर तहको अन्तिम वर्षमा अध्ययनरत विद्यार्थीहरुमध्येबाट संस्कृति र पुरातत्व विषयसँग सम्बन्धित रहेर शोधपत्र तयार गर्न इच्छुक २ जना विद्यार्थीहरुलाई यस मन्त्रालयबाट शोधपत्र स्तरीय र अनुसन्धानमूलक गर्ने तर्फ अभिप्रेरित गर्ने उद्देश्यले प्रत्येक विद्यार्थीलाई रु. २० हजारका दरले आर्थिक सहयोग उपलब्ध गराउने कार्यक्रम रहेको व्यहोरा सम्बन्धित सबै विद्यार्थीहरुमा जानकारी गराउँदै इच्छुक विद्यार्थीहरुले देहायका बुँदाहरुमा केन्द्रित भै प्रस्ताव पेश गर्न हुन सूचित गरिन्छ ।

क) प्रस्तावित शोधपत्र संस्कृति र पुरातत्वसंग सम्बन्धित विषयवस्तुमा केन्द्रीत भई स्थलगत खोज, अध्ययन र अनुसन्धानमुलक हुनुपर्ने ।

ख) शोधपत्रको विषय, शोधपत्रमा उल्लेख हुने मुख्य मुख्य बुँदाहरु, शोधपत्र तयार गर्दा लाग्ने अनुमानित खर्च र शोधपत्र तयार गर्दा आइपर्ने समस्या र कठिनाई बारे संक्षिप्त विवरण ।

ग) प्रस्ताव पेश गर्ने विद्यार्थीको सम्बन्धित विश्वविद्यालयको परिचयपत्रको प्रमाणित प्रतिलिपि र सम्बन्धित विश्वविद्यालयले प्रस्तावित विषयमा शोधपत्र तयार गर्न दिएको स्वीकृति/सिफारिस पत्र ।