Government of Nepal   Ministry of Tourism and Civil Aviation   Government of Nepal

home  नेपाली     home  home     feedback  Complaints     contacts  contacts

सुशासन र सदाचार: निजामती सेवाको आधार

 
blank
 
border
Banner
border
 

Press Releases

 

आ.व. २०७०।७१ मा कार्यान्वयन भएका आयोजना/कार्यक्रमहरुको वार्षिक प्रगति समीक्षा तथा मन्त्रालय स्तरीय विकास समस्या समाधान समिति (MDAC) बैठक सम्पन्न

नेपाल सरकार

संस्कृति, पर्यटन तथा नागरिक उड्डयन मन्त्रालय

सिंहदरवार, काठमाडौं

प्रेस विज्ञप्ति


संस्कृति, पर्यटन तथा नागरिक उड्डयन मन्त्रालय अन्तर्गतका आ.व. २०७०।७१ मा कार्यान्वयन भएका आयोजना/कार्यक्रमहरुको वार्षिक प्रगति समीक्षा तथा मन्त्रालय स्तरीय विकास समस्या समाधान समिति (MDAC) बैठक समितिका अध्यक्ष माननीय संस्कृति, पर्यटन तथा नागरिक उड्डयन मन्त्री श्री भीम आचार्यज्यूको अध्यक्षतामा आज बस्यो । राष्ट्रिय योजना आयोगका माननीय सदस्य डा. चन्द्रमणि अधिकारीज्यूको प्रमुख आतिथ्य, अर्थ मन्त्रालय, सामान्य प्रशासन मन्त्रालय, राष्ट्रिय योजना आयोगको सचिवालयका प्रतिनिधि एवं मन्त्रालय र अन्तर्गत विभिन्न निकायका प्रमुख/प्रतिनिधि एवं कार्यरत कर्मचारीहरुको उपस्थितिमा सम्पन्न बैठकमा मन्त्रालय र अन्तर्गतका निकायहरुको चालु आर्थिक वर्ष २०७०।७१ को वार्षिक बजेट, निकासा, खर्च, भएगरेका मुख्य मुख्य कार्य एवं उपलब्धि र तिनको भौतिक एवं वित्तीय  प्रगति, कार्यक्रम कार्यान्वयनमा आइपरेका समस्याहरु र समस्या समाधानका लागि अपनाइनु पर्ने कार्य बारे विवरण प्रस्तुत गरिएको थियो । कार्यक्रममा पशुपति क्षेत्रमा विद्युतीय शवदाह गृहको भौतिक संरचना लगायत गत आ. व मा निर्माण कार्य पुरा भएको, गौतम बुद्ध अन्तर्राष्ट्रिय विमानस्थल, भैरहवाको निर्माणका लागि अन्तर्राष्ट्रिय बोलपत्र मूल्यांकनको चरणमा रहेको, पोखरा नयाँ विमानस्थल निर्माण गर्नका लागि हालसम्मको स्थिति, लुम्बिनीमा गुरुयोजनाले निर्दिष्ट गरे अनुसारको भौतिक संरचनाका कार्यहरु भईरहेका, पर्यटन पूर्वाधार विकास निर्माण एवं पर्यटन प्रवद्र्धन गर्ने कार्यहरु सुचारु रहेको वारे प्रस्तुती गरिएको थियो ।  गत आ. व. मा मन्त्रालय र अन्तर्गत निकायहरुको समग्रमा चालु खर्च ९३.३५ प्रतिशत, पूजिगत खर्च ८८.३२ प्रतिशत गरी कूल खर्च ९२.५१ प्रतिशत रहेको छ । साथै मन्त्रालयको कूल वेरुजु फछौंट ५२.९२ प्रतिशत र मन्त्रालय अन्तर्गतका निकायहरुको वेरुजु फर्छौट ३१.४३ प्रतिशत रहेको छ ।

समीक्षा बैठकमा राष्ट्रिय गौरवका आयोजनाहरुको कार्यान्वयन स्थिति एवं देखापरेका समस्याहरु र समाधानका बारेमा छलफल केन्द्रित रहेको थियो । सो कार्यक्रममा जग्गा अधिग्रहण र मुआव्जा वितरण, गुठी मठमन्दिर र समितिहरुवीचको समन्वयको कमी, निर्माण सामग्रीको अभाव, नेपाल पर्यटन बोर्ड लगायत विभिन्न संस्थाका समस्याका वारेमा छलफल भएको थियो । कार्यक्रममा सचिव श्री सुरेश मान श्रेष्ठज्यूले नवीन प्रवर्तनकारी पर्यटकीय उपजहरुको विकास गर्न ध्यान दिनु पर्ने, मठ मन्दिरहरुले आआफ्नो स्रोतको परिचालन गर्नु पर्ने र संस्थान तथा समितिहरुले बेरुजु फछ्र्यौटमा क्रियाशील हुनुु पर्नेमा जोड दिनु भएको थियो भने राष्ट्रिय योजना आयोगका मा. सदस्य डा. अधिकारीज्यूले सीमित स्रोत साधनको उच्चतम उपयोग गरी कार्यक्रम/आयोजनाको नतिजा र उपलव्धि प्राप्तिमा जोड दिनु भएको थियो । समिक्षा कार्यक्रममा माननीय मन्त्रीज्यूबाट राष्ट्रिय गौरवका आयोजनाहरु एवं नेपाल नागरिक उड्डयन प्राधिकरणलाई जग्गा अधिग्रहण र मुआव्जा वितरणमा तदारुकता अपनाउन, धार्मिक साँस्कृतिक पर्यटन प्रवद्र्धनमा जोड दिन, पूर्वाधार विकासमा लगानी गर्दा जनताको भावनासंग सम्बन्ध सुदृढ हुने हुँदा लगानीको सदुपयोग तर्फ ध्यान दिन जोड दिंदै सेवाग्राही अनुभूत सेवा प्रवाह गर्न मन्त्रालय र अन्तर्गत निकायमा कार्यरत सबैलाई निर्देशन दिनु भएको थियो ।

 

मोहनकृष्ण सापकोटा
सहसचिव/ प्रवक्ता
२०७१/०५/०५

कार्यक्रमका केही झलकहरु

आ.व. २०७०।७१ मा कार्यान्वयन भएका आयोजना/कार्यक्रमहरुको वार्षिक प्रगति समीक्षा तथा मन्त्रालय स्तरीय विकास समस्या समाधान समिति (MDAC) बैठक सम्पन्न

 

आ.व. २०७०।७१ मा कार्यान्वयन भएका आयोजना/कार्यक्रमहरुको वार्षिक प्रगति समीक्षा तथा मन्त्रालय स्तरीय विकास समस्या समाधान समिति (MDAC) बैठक सम्पन्न


 

बूढानीलकण्ठ क्षेत्र विकास समितिको सदस्यसचिव मनोनयन गरिएको

बूढानीलकण्ठ क्षेत्र विकास समितिको सदस्य–सचिव मनोनयन गरिएको

साथै बूढानीलकण्ठ क्षेत्र विकास समिति (गठन) आदेश, २०५३ को दफा ६ बमोजिम बूढानीलकण्ठ क्षेत्र विकास समितिको सदस्य–सचिव पदमा विष्णु २, काठमाडौं  निवासी श्री मनोज कुमार श्रेष्ठलाई ४ वर्षका लागि नेपाल सरकार (मा.मन्त्रीस्तरीय) मिति २०७१।०४।२९ को निर्णय अनुसार मनोनयन गरिएको व्यहोरा सबैको जानकारीका लागि अनुरोध गरिन्छ ।

(मोहन कृष्ण सापकोटा)
सहसचिव एवं प्रवक्ता
मिति २०७१।०४।२९


 

पोखरा क्षेत्रीय अन्तर्राष्ट्रिय विमानस्थल निर्माण उच्चस्तरीय सहयोग समिति गठन

पोखरा क्षेत्रीय अन्तर्राष्ट्रिय विमानस्थल निर्माण उच्चस्तरीय सहयोग समिति गठन

पोखरामा राष्ट्रिय गौरवको आयोजनाका रुपमा रहेको क्षेत्रीय अन्तर्राष्ट्रिय विमानस्थल निर्माणको कार्यमा सहयोगका निमित्त नेपाल सरकार, संस्कृति, पर्यटन तथा नागरिक उड्डयन मन्त्रालय (मा.मन्त्रीस्तर)को मिति २०७१।४।३० को निर्णयानुसार माननीय सभासद श्री रविन्द्र अधिकारीज्यूको संयोजकत्वमा कास्की जिल्लाबाट प्रतिनिधित्व गर्ने माननीय सभासदज्यूहरु, स्थानीय स्तरमा क्रियाशील राजनीतिक दलका प्रमुखहरु र सरोकारवालाहरु समेत रहेको ४८ सदस्यीय पोखरा क्षेत्रीय अन्तर्राष्ट्रिय विमानस्थल निर्माण उच्चस्तरीय सहयोग समिति गठन गरिएको छ ।

उक्त समितिले विमानस्थल निर्माण प्रक्रियामा सहयोग गर्ने, विमानस्थलको जग्गा अधिग्रहण तथा मुआब्जा वितरणलाई सहज बनाउने, स्थानीय स्तरमा समन्वय गरी आइपर्ने समस्याहरुको समाधान गर्न सहयोग गर्ने, उक्त विमानस्थल सम्बन्धी विषयमा नेपाल नागरिक उड्डयन प्राधिकरणलाई आवश्यक राय सुझाव उपलब्ध गराउने कार्य गर्नेछ । यस समितिले पोखरा विमानस्थल निर्माणमा महत्वपूर्ण योगदान पु-याउने अपेक्षा मन्त्रालयले गरेको छ ।

(मोहन कृष्ण सापकोटा)
सहसचिव एवं प्रवक्ता
मिति २०७१।४।३०


 

नेपाल वायुसेवा निगमको अध्यक्ष पदमा नियुक्ति

नेपाल वायुसेवा निगमको अध्यक्ष पदमा नियुक्ति


नेपाल वायु सेवा निगम ऐन, २०१९ को दफा ४ को उपदफा (४) बमोजिम नेपाल वायु सेवा निगमका संचालक श्री शिवशरण न्यौपानेलाई नेपाल वायुसेवा निगमको अध्यक्ष पदमा ३ वर्षका लागि नेपाल सरकार (म.प.) मिति २०७१।०४।२२ को निर्णयानुसार नियुक्ति गरिएको व्यहोरा सबैको जानकारीका लागि अनुरोध गरिन्छ ।


(मोहन कृष्ण सापकोटा)
सहसचिव एवं प्रवक्ता
मिति २०७१।०४।२२


 

भानुजन्मस्थल विकास समितिको सदस्यहरु मनोनयन

भानुजन्मस्थल विकास समितिको सदस्यहरु मनोनयन


भानुजन्मस्थल विकास समिति (गठन) आदेश, २०५२ को दफा ३ (१) (ञ) बमोजिम भानुजन्मस्थल विकास समितिको सदस्य पदमा भानु ३, तनहुँ  निवासी श्री नारायण भक्त आचार्य र भानु ४, तनहुँ निवासी श्री शंकर रानाभाटलाई २ वर्षका लागि नेपाल सरकार (मा.मन्त्रीस्तरीय) मिति २०७१।०४।२८ को निर्णय अनुसार मनोनयन गरिएको व्यहोरा सबैको जानकारीका लागि अनुरोध गरिन्छ ।


(मोहन कृष्ण सापकोटा)
सहसचिव एवं प्रवक्ता
मिति २०७१।०४।२८


 

बृहत्तर जनकपुरक्षेत्र विकास परिषदको सञ्चालक परिषद सदस्यहरु मनोनयन

बृहत्तर जनकपुरक्षेत्र विकास परिषदको सञ्चालक परिषद सदस्यहरु मनोनयन


 बृहत्तर जनकपुरक्षेत्र विकास परिषद ऐन, २०५५ को दफा ६(१)(ठ) अनुसार बेगाडाबर – ७, धनुषा निवासी श्री दिपक जङ्ग थापा र क्षिरेश्वरनाथ नगरपालिका –५, धनुषा निवासी श्री पल्टु पण्डितलाई बृहत्तर जनकपुरक्षेत्र विकास परिषदको रिक्त सञ्चालक परिषद सदस्यमा मिति २०७१।०४।०६ देखि लागु हुने गरी २ (दुई) वर्षका लागी नेपाल सरकार (मा.मन्त्रीस्तर) मिति २०७१।०४।०६ को निर्णयानुसार मनोनित गरिएको व्यहोरा सबैको जानकारीका लागि अनुरोध गरिन्छ ।


(मोहन कृष्ण सापकोटा)
सहसचिव एवं प्रवक्ता
मिति २०७१।०४।०६


 

नेपाल नागरिक उड्डयन प्राधिकरणको संचालक समिति सदस्य मनोनयन

नेपाल नागरिक उड्डयन प्राधिकरणको संचालक समिति सदस्य मनोनयन


नेपाल नागरिक उड्डयन प्राधिकरण ऐन, २०५३ को दफा १३ को उपदफा (१)(घ) बमोजिम नेपाल नागरिक उड्डयन प्राधिकरणको संचालक समिति सदस्य पदमा काठमाडौं महानगरपालिका–४, विशालनगर निवासी श्री ईश्वरी पौडेलंलाई ४ वर्षका लागि नेपाल सरकार (मा.मन्त्रीस्तरीय) मिति २०७१।०४।२१ को निर्णय अनुसार मनोनयन गरिएको व्यहोरा सबैको जानकारीका लागि अनुरोध
गरिन्छ ।


(मोहन कृष्ण सापकोटा)
सहसचिव एवं प्रवक्ता
मिति २०७१।०४।२१


 

नेपाल वायुसेवा निगमको संचालक पदमा नियुक्ति

नेपाल वायुसेवा निगमको संचालक पदमा नियुक्ति


नेपाल वायुसेवा निगम ऐन, २०१९ को दफा ४ को उपदफा (१) बमोजिम नेपाल वायुसेवा निगमको संचालक पदमा काठमाडौं महानगरपालिका–१० निवासी श्री शिवशरण न्यौपानलाई ४ वर्षका लागि नेपाल सरकार (मा.मन्त्रीस्तरीय) मिति २०७१।४।१४ को निर्णय अनुसार नियुक्ति गरिएको व्यहोरा सबैको जानकारीका लागि अनुरोध गरिन्छ ।


(मोहन कृष्ण सापकोटा)
सहसचिव एवं प्रवक्ता
मिति २०७१।०४।१४


 

मनकामना क्षेत्र विकास समितिका सदस्य, कार्यकारी निर्देशक तथा अध्यक्ष पदमा नियुक्ति

मनकामना क्षेत्र विकास समितिका सदस्य, कार्यकारी निर्देशक तथा अध्यक्ष पदमा नियुक्ति

मनकामना क्षेत्र विकास समिति गठन आदेश, २०५३ को दफा ६ को उपदफा (३) ले दिएको अधिकार प्रयोग गरी नेपाल सरकार (मा.मन्त्रीस्तर) को मिति २०७१।३।१९ को निर्णयानुसार उक्त समितिको सदस्यमा आवश्यक हेरफेर गरी मनकामना १ गोरखाका निवासी श्री गणेशबाबु थापालाई अध्यक्ष तोकिएको, देउराली ६ गोरखा निवासी श्री सन्त बहादुर अधिकारीलाई सदस्य, छोप्राक ६ गोरखा निवासी श्री तिलक बहादुर बानियालाई सदस्य र खरीबोट १, गोरखा निवासी श्री  गिरिधारी सापकोटालाई मनकामना क्षेत्र विकास समितिको कार्यकारी निर्देशक पदमा निर्णय भएको मिति देखि लागू हुने गरी ४ वर्षका लागि नियुक्ति गरिएको व्यहोरा सबैको जानकारीका लागि अनुरोध गरिन्छ ।


(मोहन कृष्ण सापकोटा)
सहसचिव एवं प्रवक्ता
मिति २०७१।०३।१९


 

पर्वतीय प्रशिक्षण विकास समितिको अध्यक्ष नियुक्ति

पर्वतीय प्रशिक्षण विकास समितिको अध्यक्ष नियुक्ति


पर्वतीय प्रशिक्षण विकास समिति (गठन) आदेश, २०५९ को दफा ३ को उपदफा (२) र (३) बमोजिम  पर्वतीय प्रशिक्षण विकास समितिको अध्यक्ष पदमा टाप्टीङ्ग–५, सोलुखुम्बु निवासी श्री सन्तोष थापा मगरंलाई ४ वर्षका लागि नेपाल सरकार (मा.मन्त्रीस्तरीय) मिति २०७१।३।१६  को निर्णय अनुसार नियुक्ति गरिएको व्यहोरा सबैको जानकारीका लागि अनुरोध गरिन्छ ।


(मोहन कृष्ण सापकोटा)
सहसचिव एवं प्रवक्ता
मिति २०७१।०३।१६


First | Previous Page No. 1 out of 6 Pages. Next | Last

 

Old Press Releases

 
border
   
border

 

Check Mail

 
   
Copyright © Ministry of Culture, Tourism and Civil Aviation. All Rights Reserved. Disclaimer